Могілкі Лошыца: мінулае і сучаснасць сярод рванага снегу

На поўдні Мінска недалёк ад МКАД схаваліся яшчэ адны маладаследаваныя былыя вясковыя могілкі: Лошыца Як і многія іншыя могілкі вёсак, якія паглынуў Мінск, яны ўяўляюць сабой змяшэнне стыляў: дарэвалюцыйныя праваслаўныя пахаванні з каменнымі помнікамі, свецкія пахаванні эпохі СССР і сучасныя пахаванні, пераважна праваслаўныя. Лошыцкія могілкі адносяцца да тыпу закрытых: гэта значыць, што магчыма толькі пахаванне да сваякоў крэміраванага нябожчыка. Таму пахаванняў ХХІ ст тут мала.

Мой паход на Лошыцу планаваўся доўга. Але магчымасці выбрацца ніяк не было. Нарэшце, як і ў выпадку з перфатурызмам, я прыехаў у Лошыцу па сваіх камерцыйных справах і вырашыў абавязкова вырвацца на могілкі. Тым не менш, атрымалася толькі ў перапынку паміж працай, таму ў мяне за дзесяць хвілін атрымалася зрабіць толькі каля 30 здымкаў. Вось яны.

 Галоўны, але далёка не адзіны ўваход

 Схема могілак на інфармацыйным стэндзе

 Від з боку вуліцы Ўбарэвіча

 Від на ўваход з супрацьлеглага боку

 Асобныя і сямейныя пахаванні на фоне новай царквы (хутчэй за ўсё каталіцкай)

 Жалезны крыж з рукапіснай эпітафіяй. Надпісы маркерам - частая з'ява, як спроба рэстаўрацыі

 Від на квартал па-за могілкамі ў напрамку ад вул. Ўбарэвіча і вялікага гіпермаркета

 Пахаванне пачатку 2017 г. Самае новае з тых, што мне патрапіліся. На адным з папярэдніх здымкаў ёсць пахаванне 2016 г. на сямейным участку.

 Пахаванні дарэвалюцыйнага тыпу

 Некалькі старых дарэвалюцыйных помнікаў на ўзгорку ў сярэдзіне некропаля.

 Помнік 1905 г.

 

Пайшлі помнікі з крыжамі. Гэта ўжо пераважна савецкі час.

 Від з узгорка па цэнтру могілак на гаражы. Калі арынтавацца па галоўнаму ўваходу, то гаражы справа.

 Магіла 1914 г. з добра адноўленым надпісам

 Камень з рэштамі блакітнай фарбы - гэта стары помнік, які зышоў у грунт

 На магілах - "лісты шчасця" (папярэджанні ад адміністрацыі могілак з патрабаваннем даглядаць за пахаваннямі). Такія ж бачыў у гэтым годзе на Козыраўскіх і ў Масюкоўшчыне)

 Ёсць прастора, але новыя пахаванні тут рабіць не будуць

 Яшчэ "ліст шчасця"

Ад гэтага чалавека засталіся маленькія, але трагічныя ўспаміны: "Ігар. 1 год". Гэта зусім побач з афіцыйным уваходам.
Здымкі зроблены 13.12.2017. Аўтар: гісторык Андрэй Берастоўскі

Бліжэйшыя старыя могілкі горада: Чырвоная Слабада.