29.11.2021

Вуліцы Мінска. Здымкі на бегу

 Звычайна я раблю чарговы пост праекта "Вуліцы Мінска" пасля таго як старанна фотаграфую адметнасці пэўнай вуліцы. Але бывае, што атрымоўваецца толькі зрабіць пару кадраў падчас бегу з пункта А ў пункт В па сваіх паўсядзённых справах. Паколькі Мінск мяняецца пастаянна, не хочацца губляць магчымасці зрабіць штосьці для захавання яго візуальнай гісторыі. Большасць здымкаў зроблена ў асенні час, які ў Беларусі лічыцца дэпрэсіўным, але ў беларускай восені ёсць свой шарм. А цяпер, як гаворыцца, будуць слайды :)

Залатая восень на вуліцы Цікоцкага

Большасць дамоў гэтай вуліцы -- 9-павярховыя на дзясятак пад'ездаў. У некаторых гарадах такія называюць кітайскай сцяной. Таксама на фота можна бачыць, што гэты квартал мінскага Зялёнага Луга паміж вуліцамі Цікоцкага і Карбышава стаіць на ўзгорку.

Вуліца Цікоцкага пераходзіць у Карбышава ў раёне спартыўных інтэрнатаў і пратэстанцкай царквы "Ласка Хрыста"

Уздоўж праезнай часткі Цікоцкага з боку жылога квартала ідзе пешаходная алея.

А з другога боку знаходзіцца змешаны бярозава-сасновы лесапарк. Тут часта адпачываюць і гуляюць жыхары квартала. Гэты лесапарк аддзяляе квартал ад МКАД.

У леспарку ёсць невялікі гаражны ўчастак, верагодна яшчэ з савецкіх часоў. Ёсць там і прасека ў раёне дд. 40, 42, 44, якая раней была дарогай, што звязвала вуліцу Цікоцкага з МКАД. Але гэта дарога згубіла сваю істотнасць і цяпер амаль зарасла лесам.

З леспаркам звязана яшчэ адна паўлегендарная гісторыя: на яго тэрыторыі знаходзіцца дзіцячы сад і ёсць неправераныя звесткі, што побач з ім было нейкае масавае пахаванне часоў Вялікай Айчыннай, ці то немцы хавалі сваіх, ці то побач знаходзіўся канцлагер. Ніякіх сур'ёзных пацверджанняў гэтай гісторыі я не знаходзіў, але магчыма былі нейкія малазначныя падзеі, якія ляглі ў яе аснову...

Вось так выглядаў звычайны двор на Цікоцкага ціхім суботнім асеннім ранкам 2018 г.

Славутасць мясцовага маштабу: доўгія прыступкі на ўзгорак у бок дамоў 50/1 і 50/2 па Цікоцкага

Школа № 13 -- амаль адзіны няцотны будынак гэтай вуліцы (д. 57). Яшчэ адзін такі будынак -- школа 163 (д. 9) у раёне пераходу на бізнес-цэнтр "Аквабел".
Здымкі 2018 г. 

Вуліца Калініна

Гэта вуліца ідзе ад плошчы Калініна побач з пр. Незалежнасці да вул. Я. Коласа. Яна адносіцца да ўскраіны Мінска 1940-х гг, але яе цяперашняя забудова адносіцца да больш позняга часу. Цікава што 2 фота я зрабіў ў жніўні, а астатнія ў другой палове лістапада 2021 г. і атрымалася, што на нейкіх здымках зялёныя дрэвы, а на нейкіх ляжыць ранні снег...

Від на вуліцу з боку пешаходнага пераходу  на пл. Калініна. Будынак злева -- дом № 1, дзе знаходзіцца знакаміты яшчэ з савецкіх часоў магазін "1000 дробязяў".

На тыльным баку дома № 1 ёсць цікавы мурал з савой.

Дом №6. Гімназія №18 (былая СШ №49)

Ад скрыжавання з вул. Мяржынскага да скрыжавання з вул. К. Чорнага цотныя дамы (10-16) уяўляюць сабой 2-павярховыя маласямейкі барачнага тыпу, як на Валгаградскай.

Але на процілеглым баку дд. 7А і 7Б пабудавалі ўжо ў 2010-х.
У двары дома 7Б стаіць "Запарожац", як элемент дваровага інтэр'ера па-савецку.

Ад скрыжавання з вул. Чорнага да вул. Коласа пераважна ідзе 4 ці 5-павярховая жылая забудова.


Школа №73 і аўтобусны прыпынак побач з ёй.

І яшчэ пару штрыхоў:
Гэта каляровае цялятка паставілі побач з мясным магазінам у пачатку вуліцы. Верагодна, статуя стаяла з пачатку 2021 г (аб'яўленага годам Быка) і яе ўбралі паміж жніўнем (час, калі я зрабіў фота) і лістападам таго ж года.

Паміж дамамі 13 і 15 стаіць такая дошка для прыватных аб'яў. Такія зялёныя сустракаюцца мала дзе, але ёсць на Цікоцкага і Валгаградскай.

Трактаразаводскі пасёлак

Яшчэ адно цікавае месца беларускай сталіцы -- вуліцы Трактаразаводскага пасёлка каля МТЗ і станцыі метро "Трактарны завод". Гэты раён забудоўвалі з 1946 г і тут захавалася архітэктура 1950-х, эпохі Брэжнева і постсавецкага часу.

Акрамя архітэктурных асаблівасцяў у вочы кідаецца вялікая колькасць "Табакерак" і зялёных кантэйнераў для збора макулатуры.

Бульвар Трактарабудаўнікоў

Від на бульвар з боку станцыі метро.
 
Безбар'ерны ўваход праз пандус на станцыю метро. Рэдкая з'ява для станцыі, пабудаванай у канцы 1990 г.  Унутры бачны стыхійны гандаль.

Яшчэ адна адметнасць гэтага кароткага бульвара -- стадыён для міні-футбола.

Вуліца Алега Кашавога

Скрыжаванне вул. Грыцаўца, Алега Кашавога і бул. Трактарабудаўнікоў стварае свайго кшталту круглую плошчу. На гэтым павароце вул. Кашавога можна заўважыць цікавыя формы архітэктуры ў і сценах і вокнах.

На сцяне Кашавога 1 раней віселі таксафоны (на гэту тэму ёсць адмысловы пост).


Кашавога 3 будуць альбо зносіць, альбо рэканструяваць.

На доме 5 вісіць мемарыяльная дошка падпольшчыку, у гонар якога назвалі вуліцу.

А ля дома 7 нехта надпісам фарбай на брукаванцы павіншаваў Віку з днём нараджэння як у песні. Толькі дождж тут не лонданскі :)

Побач з дд. 10 і 14 агароджа, якой абносілі двары ў 1950-х.

Скрыжаванне вул. Кашавога і Стаханаўскай. Від на Стаханаўскую з боку Кашавога 7/Стаханаўскай 26. Звярніце ўвагу на архітэктурныя формы вуглоў дамоў па той і другі бок вуліцы.

Цікава аформлены дах і двор па Кашавога, 18.

Гастраном з савецкай назвай "Постторг" на рагу вул. Шчабакова і Кашавога. Характэрнае архітэктурнае афармленне кутка дома. Тэхнічна, гэта Шчарбакова 20.

На даляглядзе -- паварот вуліцы ў бок Партызанскага праспекта і самы высокі будынак вуліцы: дом 30
Уваход у Антонаўскі парк насупраць ЗАГСа Партызанскага раёна з надпісам "Шчасця маладзёнам".

І сам ЗАГС, дом 27А
Далей вуліца ідзе ў бок Партызанскага праспекта, перасякае яго і ўпіраецца ў аўтавакзал "Усходні".

Стаханаўская вуліца

Архітэктура Стаханаўскай вуліцы -- гэта пераважна 2 ці 3-павярховыя маласямейкі барачнага тыпу.

Адной з мясцовых асаблівасцяў з'яўляецца Захарые-Елісавецінская царква, пабудаваная ў 1998 г. між дд. 28 і 34. Праезд па абодва бакі гэтай царквы называецца Вучнёўскі завулак.

Дамы 25 і 37 (на фота) вылучаюцца архітэктурнымі аздабленнямі на сценах апошняга паверха.

Від на вул. Будзёнага, у якую ўпіраецца Стаханаўская. На заднім плане бачна "хрушчоўка", якую маглі пабудаваць ужо ў брэжнеўскія часы, і вежавыя краны ў раёне вуліцы Ванеева ці нават парка 50 год Перамогі.

За малсямейкамі барачнага тыпу на Стаханаўскай  таксама ёсць "хрушчоўкі-брэжнеўкі".

Па другі бок ад вул. Кашавога на Стаханаўскай ёсць некалькі адметнасцяў Ліцэй МУС (дом 13 на фота), хоспіс (д.19)...

... спартыўная дзіцяча-юнацкая школа алімпійскага рэзерву (д.16 на фота).

Нягледзячы на вонкавую нявялікую значнасць вулачак Трактаразаводскага пасёлка тут большай часткай вельмі добрыя дарогі.

Медцэнтр МТЗ займае цэлы комплекс. Бліжэй да вуліцы старыя 2-павярховыя дамы адміністратыўнага прызначэння (дд. 10 і 12), а за ім сучасны шэры будынак (д. 10а), дзе медцэнтр аказвае свае паслугі
Дом 7 выглядае пакінутым. На некалькіх вокнах аркушы паперы з надпісам "Здаю ў арэнду". Справа ў тым, што ў Мінску ў такіх былых маласямейках нярэдка кватэры выкупаюць розныя фірмы або пасля перасялення жыхароў у новы дом стары будынак аддаюць пад карыстанне розным камерцыйным і некамерцыйным структурам.

Пачатак вуліца Стаханаўская бярэ ад скрыжавання з вул. Клумава.

І яшчэ адна дэталь: сучасны беларускамоўны цэтлік з адрасам дома прыкрывае стары надпіс фарбай на рускай мове. Дарэчы, гэта не мяккая беларусізацыя "дзясятых", а проста элемент добраўпарадкавання: цэтлік выглядае салідней за просты надпіс на сцяне па-савецку...

Фотаграфіі 2021 г.

11.11.2021

Каранавірус у Беларусі. Частка 9 / Coronavirus in Belarus. Part 9

 Працягваю сумную гісторыю, якую даўно хацеў б скончыць. У мінулай частцы апісаў асноўныя падзеі з сярэдзіны чэрвеня па пачатак кастрычніка 2021 г. У тым ліку ўзгадаў аб увядзенні абавязковага масачнага рэжыму 9 кастрычніка. Да гэтага ў лістападзе 2020 г. у розных гарадах уводзілі масачны рэжым, але ў кастрычніку 2021 г. было прынята рашэнне нацыянальнага маштабу. За парушэнне масачнага рэжыму было вырашана штрафаваць, але прэзідэнт загадаў яго адмяніць і зрабіць нашэнне масак неабавязковым. 22 кастрычніка масачны рэжым скасавалі.

I'm going on with the story I wish I'd finished long ago. In the previous part I described the main events of mid-June to early October 2021. I also mentioned the mask requirement from 9 October. Before, in November 2020 mask requirement was established in different cities, but in October 2021 it was a nation-wide decision. For its violation people could be fined, yet the President ordered to cancel the requirement and make wearing masks unnecessary. So on 22 October it was cancelled.

Уваход на станцыю метро "Усход" у лістападзе 2020 г і ў канцы кастрычніка 2021 г. Напамін пра масачны рэжым правісеў на дзвярах менш за 1 год. / Metro station Uschod entrance in November 2020 and at the end on October 2021. Mask requirement memo stayed there for less than 1 year.

Праверка масачнага рэжыму супрацоўнікамі метрапалітэна на маскоўскай лініі мінскага метро ўдзень 13 кастрычніка 2021 г. / Mask requirement check at Maskouskaja line of Minsk metro by its staff on 13 October 2021 in daytime. Фота/From: metropoliten.by.


Цяпер нашэнне масак рэкамендуюць у многіх месцах. На фота бакавы ўваход у ЦУМ, Мінск, лістапад 2021 г. / Now masks are recommended in many places. Photo: TSUM shopping center in Minsk, November 2021.

А супермаркет "Віталюр" ля метро "Усход" проста рэкамендуе наведвальнікам трымаць дыстанцыю (праўда, супрацоўнікі там у масках) / And Vitalur supermarket near metro station Uschod recommends its visitors just to keep distance (its staff wear masks though)

Адмена масачнага рэжыму мала што змяніла: многія працягваюць насіць маскі, але частка з іх робіць гэта няправільна, а безмасачнікаў хапала і падчас дзеяння рэжыму. / Mask requirement cancellation haven't changed much: most people keep wearing masks, though some of them do it incorrectly and there were already many mask requirement violators when it was compulsory.

З верасня 2021 рэзка пайшоў рост новых выпадкаў кавіда і рэгіструемых смерцяў. Звычайна паведамляецца пра 1900 ці 2000 новых выпадкаў штодзень і пра 13-18 памерлых ад COVID-19. Неафіцыйна гуляюць чуткі пра дзясяткі ці сотні смерцяў па краіне кожны дзень. Рытуальныя кампаніі апрацоўваюць прыкладна ў 2 разы больш заказаў чым да верасня 2021 г. Зразумела, што паміраюць не толькі ад "кароны", але многія людзі, з якімі я супрацоўнічаю, хварэлі ці хварэюць па некалькі тыдняў і мне прыходзіцца нярэдка выконваць іх работу. Пакуль ніхто з маіх знаёмых не памёр з часу папярэдняга паведамлення, але былі новыя смерці сярод сваякоў знаёмых маіх знаёмых. Праца ў многіх сферах жыцця перапыняецца кавідам тут і там.

From September 2021 sharp growth of new covid cases and deaths began. Usually, 1900 or 2000 new cases and 13-18 deaths of COVID-19 are reported daily. Unoficially, rumors circulate of tens or hundreds of deaths in the country each day. Funeral companies works with double amount of orders than before September 2021. Of course, people die not only because of the "corona", but many people I work with were or are ill for several weeks and I've to do their jobs quite often. None of my acquaintances have died since the previous post was updated, yet there've been new deaths among the relatives of the acquaintances of my acquaintances. The work in different spheres of life is interrupted by the covid now and again.

Ілюстратыўнае фота адсюль / An illustrative photo from here.

28.11.2021 нядзеля (Sunday)
25 лістапада колькасць прызнаных афіцыйна ахвяр кавіда перайшла мяжу ў 5000 чалавек, але здаецца, што пік чарговай хвалі пройдзены. Штодзень рэгіструюць 13-16 новых смерцяў ад кавіда і ля 1700 новых выпадкаў захворвання. Некаторы час таму ад кавіда памёр муж маёй знаёмай і захварэлі некалькі маіх сваякоў і адна знаёмая.

On 25 November the offical covid death toll pass the 5000 people milestone, yet the wave peak seems to have been passed. Daily they register 13-16 deaths and ~1700 new cases. Recently my acquiantance's husband died of covid, some relatives and another acquiantance got sick.

На гэтым тыдні мой старэйшы сын меў нейкую рэспіраторную хваробу і доктар накіравала яго на ПЦР-тэст. Дзіўна, што калі ў кастрычніку мае дзеці відавочна хварэлі кавідам, нам адмовілі ў магчымасці прайсці бясплатны ПЦР-тэст. Але ў гэты раз мы прыйшлі ў памяшканне нашай паліклінікі, дзе раней рабілі аналіз на энтэрабіёз і сыну зрабілі тэст, які быў адмоўным. Дарэчы, часам могуць адмовіць у ПЦР-тэсце, калі гэтых тэстаў у паліклініцы не хапае. У такім выпадку кантакты 1-га ўзроўня не ідуць на самаізаляцыю, калі не маюць сімптомаў хваробы.

This week my elder son had some kind of respiratory disease and his doctor sent him to a PCR test. Strange to say, in October when my kids apparently had covid, we were denied free PCR tests. This time we came to isolated premises of our polyclinic where they used to take entherobiosis tests and had or PCR made (negative). By the way, people may be denied PCR tests, if a polyclinic lack them. In such cases 1st contacts don't isolate themselves, if they've no symptoms of the disease.

Працяг будзе / to be continued

Избранное сообщение

2010-я. Агляд нестабільнай эпохі

 Цікава, што ў англамоўным свеце 1890-я замацаваліся пад назвай gay 90s (вясёлыя 90я), а на былой савецкай прасторы 1990я ўвайшлі ў гісторы...